Roldán Jimenok eta Ainhoa Nievak Autogobierno de Vasconia. Desarrollo y crisis. Documentos (1978-2006) lanaren zazpi liburukietatik egin duten aurkibide elkarreragilea da. Virginia Tamayok bildu zituen dokumentu horiek, 2007an. Lan guztiaren edukien bilaketa soil eta aurreratuak egitea ahalbidetzen du, bai euskaraz, bai gaztelaniaz. Bilaketen emaitzak laburtuta ageri dira, baina datu guztiak jasotzen dituen fitxa zabalago batera sartzea ahalbidetzen diote ikerlariari. Datu horietan, hauek aurki daitezke: izenburua eta dokumentuaren zenbakia, jatorrizko dokumentuen iturria, bilatu den kontzeptua agertzen den testuaren zatia, Tamayo irakaslearen Autogobierno de Vasconia lanaren atala eta atalburua eta erreferentzia bibliografikoa. Erreferentzian kokatu ondoren, dokumentu osoa ikus daiteke, PDFn, eta bertan nabigatu.