Karguak eta lanbideak
Sendagile anatomista eta historialaria
Ibilbidea
Arabarra jatorriz, Granadan sortu zen 1520 aldera, eta hango Unibertsitatean hasi zen Medikuntza ikasten. Italian jarraitu zuen ikasketak osatzen, azkenean medikuntza anatomikoan espezializatu zen, eta azkenik Sigüenzako Unibertsitatean graduatu zen (1552) eta doktoretza Coimbrakoan egin zuen (1557). Irakaslea izan zen Valladolideko eta Coimbrako Unibertsitateetan, eta espioitzan aritu zen Portugalen, Filipe II.arentzat. Anatomiako tratatu ospetsu bat egin zuen, Coimbran argitaratu zena 1559an.
Bizitzaren amaieran idatzi zuen Fundación y antigüedad de España y conservación de la nobleza de Cantabria liburua, Milanen argitaratu zena, 1586an. Izenburuak berak adierazten duenez, alegatu kantabrista bat da. Haren asmoa zen lurraldearen laudorioa egitea, idazlearen beraren lerro batean irakurtzen baita: «El río Hebro nace en el remate de los Pireneos, con los confines de los Cántabros llamados vulgarmente Vizcaynos, y lo que digo dellos, digo de los Guipuzcoanos que todos son Cántabros superiores, porque es toda una gente, una nación, una lengua, una antigüedad, y una nobleza, y un valor».
Obrak
In pluribus ex iis quibus Galenus impugnatur ab Andrea Vesalio Bruxelensi in constructione et usu partium corporis humani, defensio: et nonnullorum quae in anatome deficero videbantur supplementum, Coimbra: J. Baverius, 1559.
Fundación y antigüedad de España y conservación de la nobleza de Cantabria, Milan: Paolo Gottardo Da Ponte eta Leonardo Poncios, 1586.
Bibliografia
Da Silva Carvalho, A., «Alphonse Rodrigues de Guevara au Portugal», in Actas del X Congreso Internacional de Historia de la Medicina. Madrid, 23-29 de septiembre de 1935, Libro de Actas, Madrid: Ilustre Colegio Oficial de Médicos de Madrid, 1935, 11. or.
Iglesias Gil, J. M., «Estudio preliminar», in Zurita, G., Cantabria: descripción de sus verdaderos límites, Santander: Universidad de Cantabria, 2000, 53. or.
Madariaga Orbea, J., Apologistas y detractores de la lengua vasca, Donostia: Euskal Herriko Zuzenbide Historiko eta Autonomikoa Aztertzeko Fundazioa, 2008.
Sueiro, M. B., «Súmula da vida interlope de Alonso Rodríguez de Guevara», in A Medicina Contemporânea, 72. lib., 3 zk. (1954), 35. or.
Aipamen bibliografikoa
Jimeno Aranguren, R., “Rodriguez de Guebara, Alfonso”, Jimeno Aranguren, R., (dir), Notitia Vasconiae. Baskoniako historialarien, legelarien eta pentsalari politikoen hiztegia, T.I, Iura Vasconiae fundazioa, Donostia, 2020, pp. 415-416.
