Iura Vasconiae gure ohorezko presidente Gregorio Monrealek ordezkatu zuen, leku nabarmenean, Bizkaiko Foru Berria onartu zeneko 500. urteurrena ospatzeko ekitaldi nagusian.
Gure Fundazioak funtsezko papera izan du aurten egin diren ospakizun-ekitaldietan. Lehenengoa, Iura Vasconiae-k urtarrilean antolatu zuen eta arrakasta handia izan zuen Sinposioa izan zen; gai horretako aditu nagusiak bildu zituen, eta haien ponentziak laster jasoko dira gure Iura Vasconiae aldizkarian. Ondoren, Foru Liburutegiko 2. solairuan abuztuaren 27ra arte ikusgai dagoen Foruari buruzko erakusketa antolatu zen. Eta, azkenik, erakusketa horren katalogoaren edizioarekin; bertan, adituen eskutik, Bizkaiko Lurraldeko autogobernu-forma berezi horren alderdi nagusiak biltzen dira.
