POILLOÜE DE SAINT-PERIER, Louis Rene de, Saint-Perierko kondea (Bioux, Huisseau-sur-Cosson, Frantzia, 1877ko abuztuak 18 – Morignyko gaztelua, Morigny-Champigny, Frantzia, 1950eko irailak 12).

Medikua, arkeologoa eta historiaurrelaria

1911n, Louis Rene de Poilloue medikuntzako doktoreak, Saint-Perierko kondeak, hogeita hamalau urte zituen, eta orduan interesatu zen historiaurrearekin; urte horretan, izan ere, Lespugueko haitzuloetan, Pirinioetan, eta 1914an, Boule haitzuloan, Montmaurinen (Garona Garaian) indusketa arkeologikoak egin zituen. Lehenago, mosaiko bikain bat aurkitu zuen Souzy-la-Bricheko (Essonne) familiaren jabetza batean; izan ere, haren familiak 1890eko hamarkadan hainbat aurri galo-erromatar aurkitu zituen. Mosaiko haren zati bat Étampeseko museoari eman zion.

1877ko abuztuaren 18an jaio zen Biouxen (Huisseau-sur-Cosson), Loir eta Cher departamenduan, eta 1898 eta 1903 artean medikuntza ikasketak egin zituen Parisen. Doktorea eta biologoa, medikuntza orokorrera lerratu zen, mikroskopioaren erabilerak ekarri ikusmen-arazoak zirela eta. Souzy-la-Briche eta Lespugueko bere indusketa arkeologikoak 1914-1918ko gerrak eten zituen, gerran mediku militar lanetan parte hartu baitzuen.

Gerra amaitu ondoren, Lespugueko indusketei ekin zien berriz bere emazte berriarekin batera: Suzanne François (1890-1878), gerran ezagutu zuen erizaina. 1922ko abuztuan, Lespugue udalerrian dagoen Rideaux haitzuloaren barruan, Gravette aldiko mamut-bolizko estatua bikain bat aurkitu zuen. «Venus de Lespugue» deitua izan zen emakume esteatopigia bat irudikatzen du.

1928an, kondeak eta haren emazteak ikerketak egin zituzten Ardèche eta Pirinio Apalak (egungo Pirinio Atlantikoak) departamenduetan. Garai hartan hainbat indusketa egin zituzten Otsozelaiko haitzuloan, Isturitzen. Lehenengoek 1942 arte iraun zuten, eta bigarrenek, berriz, 1946 eta 1948 bitartean. Rene de Saint-Perier, gaitz larria baitzuen, 1950eko irailaren 12an hil zen Morignyko bere gazteluan, Essonne departamenduan.

Isturitzeko indusketei buruzko bi liburuki garrantzitsu idatzi zituen: 1930ean, La Grotte d’Isturitz, I: le Magdalénien de la Salle de Saint-Martin, eta 1936an, La Grotte d’Isturitz, II: le Magdalénien de la Grande Salle, Masson argitaletxeak argitaratuak. 1947an, «Les derniers objets magdaléniens d’Isturitz» argitaratu zuen L’Anthropologie aldizkarian. Haren emazte Suzannek (1890-1978) 1951tik 1957ra jarraitu zituen indusketak. 1952an, Isturitzeko indusketei buruzko hirugarren liburukia argitaratu zuen koautore gisa: La Grotte d’Isturitz, III: les Solutréens, les Aurignaciens et les Moustériens, Masson argitaletxeak argitaratua ere.

Saint-Perierko kondearen Isturitzeko lanak oso garrantzitsuak izan dira Ipar Euskal Herriko historiaurrea ezagutzeko. Hartara, Emmanuel Passemardek hasitako ikerketak osatu zituen.

. «Découverte d’une grotte magdalénienne à Lespugue (Haute-Garonne)», Bulletin de la Société Préhistorique Française, 8 (1911), 662. or.

«Pièces paléolithiques de la grotte de Lespugue (Haute-Garonne)», Bulletins et mémoires de la Société d’anthropologie de Paris, 3 (6. seriea) (1912), 48-49. or.

«Pièces paléolithiques de la grotte des Rideaux à Lespugue (Haute-Garonne)», Bulletins et mémoires de la Société d’anthropologie de Paris, 3 (6. seriea) (1912), 149-153. or.

«Station magdalénienne d’un abri sous roche à Lespugue (Haute-Garonne)», Bulletins et mémoires de la Société d’anthropologie de Paris, 3 (6. seriea) (1912), 399-404. or.

«Pièces magdaléniennes de la grotte de Lespugue (Haute-Garonne)», Bulletin de la Société Préhistorique Française, 9 (1912), 210-211. or.

«Fouille de la grotte des Boeufs à Lespugue (Haute-Garonne)», Bulletin de la Société Préhistorique Française, 9 (1912), 498-518. or.

«Gravure magdalénienne à contours découpés», L’Homme préhistorique, 10 (1912), 353-357. or.

«Gravure à contours découpés en os et coquilles perforées de l’époque magdalénienne», Bulletins et mémoires de la Société d’anthropologie de Paris, 4 (6. seriea) (1913), 47-52. or.

«Lampe magdalénienne provenant de la Grotte des Harpons, à Lespugue (Haute-Garonne)», Congrès préhistorique de France, compte-rendu de la neuvième session, Lonsle-Saunier, 1913, Paris: Société préhistorique française, 1914, 139-146. or.

«La Grotte des Harpons à Lespugue (Haute-Garonne)», L’Anthropologie, 30 (1920), 210-234. or.

«Les migrations des tribus magdaléniennes des Pyrénées», Revue anthropologique, 30 (1920), 136-141. or.

«Base de harpon magdalénien perforée», Bulletins et mémoires de la Société d’anthropologie de Paris, 1 (7. seriea) (1920), 174-177. or.

«Sur la forme des harpons en bois de cerf», Bulletin de la Société Préhistorique Française, 17 (10) (1920), 219-221. or.

«Les grottes préhistoriques de Lespugue et de Montmaurin», Revue de Comminges, 35 (2) (1921), 150-190. or.

«Le Solutréen supérieur de la grotte des Harpons à Lespugue», Association française pour l’avancement des sciences, 45. saioa, Rouen, 1921, 825-832. or.

«Statuette de femme stéatopyge découverte à Lespugue (Haute-Garonne)», L’Anthropologie, 32 (1922), 361-381. or.

«La statuette féminine de Lespugue», Revue de Comminges, 37 (4) (1923), 169-177. or.

«Les fouilles de 1923 dans la Grotte des Rideaux à Lespugue (Haute-Garonne)», L’Anthropologie, 34 (1924), 1-15. or.

«Les oeuvres d’art paléolithiques de la vallée de la Save à Lespugue (Haute-Garonne)», IPEK, 1925, 33-43. or.

«Faune fossile du Pont de Gouërris à Lespugue», Revue de Comminges, 39 (2) (1925), 91-99. or.

«La Grotte des Scilles à Lespugue (Haute-Garonne)», L’Anthropologie, 36 (1926), 15-40. or.

«Quelques pièces inédites de la grotte des Harpons à Lespugue (Haute-Garonne)», L’Homme préhistorique, 13 (1926), 145-150. or.

«La Grotte de Gouërris à Lespugue (Haute-Garonne)», L’Anthropologie, 37 (1927), 233-276. or.

«Engins de pêche paléolithiques», L’Anthropologie, 38 (1928), 17-22. or.

La Grotte d’Isturitz, I: le Magdalénien de la Salle de Saint-Martin, Giza Paleontologiako Institutuaren Artxiboak, 7. zk. txostena, Paris: Masson, 1930, 124 or.

«Lespugue au Moyen-Âge», Revue de Comminges, 47 (4) (1933), 193-223. or.

La Grotte d’Isturitz, II: le Magdalénien de la Grande Salle, Giza Paleontologiako Institutuaren Artxiboak, 17. zk. txostena, Paris: Masson, 1936, 139 or.

«Les derniers objets magdaléniens d’Isturitz», L’Anthropologie, 51 (1947), 393-415. or.

SAINT-PÉRIER, S. de-rekin, La Grotte d’Isturitz, III: les Solutréens, les Aurignaciens et les Moustériens, Giza Paleontologiako Institutuaren Artxiboak, 25. zk. txostena, Paris: Masson, 1952, 124 or.

BOUNEAU, É., «Dernier portrait du comte de Saint-Périer (juillet 1950)», Bulletin de la Société des amis d’Étampes et de sa région, 7 (1951), 120. or.

GAIGNON, A., «Le comte de Poilloüe de Saint-Périer: notice nécrologique», Bulletin de la Société des amis d’Étampes et de sa région, 7 (1951), 117-119. or.

PÉTILLON, J.-M., «Historique des fouilles de R. de Saint-Périer dans les sites paléolithiques des gorges de la Save (Lespugue, Haute-Garonne)», Préhistoire du Sud-Ouest, Association Préhistoire Quercinoise et du Sud-Ouest, 20 (2) (2012), 213-219. or.