ALKORTA IDIAKEZ, Itziar I Euskal zuzenbide zibil konparatuari buruzko azterketak, 2019

Lanaren laburpena

Euskal Zuzenbide Zibil konparatuari buruzko bigarren ale honetan honako bi jardunaldien emaitzak biltzen ditugu: Euskal Zuzenbide Zibilean izatezko bikoteen eta adingabeen zaintzaren azterketa, batetik; eta, bestetik, jabetza berdearen titulartasunari, alegia, komunalari buruzko gogoetak. Lehen atalean familia zuzenbideko lege autonomiko horien edukia aztertzeaz gain, bien arteko alderaketa bat ere burutu dute adituek; izan ere, lege horiek materia berdinez jarduten badute ere, euren aukerak arras desberdinak baitira: bikotekide, guraso eta seme-alaben interesak babestea dela helburu nagusi, eta horiek bebesteko leggek ahalik eta erantzun osotuena izatea komeni dela.

Bigarren atalari gagozkiola, landa-eremuko lurrez arduratzeko bada baliabide juridiko oinarrizko bat titulartasuna norbaiti ematea; eta kudeatzeko eraentza juridiko desberdinak: jabetza pribatua, jabetza publikoa, komunalak, egitura tradizionalak. Begirada honetan erabili diren ikuspegiak honako hauek izan dira: partikularren interes pribatua, gizartearen interes publikoa eta, kokagune dugun lurraldea kontuan hartuta, euskal zuzenbidea.