Karguak eta lanbideak
Legelaria
Ibilbidea
Zuzenbidea ikasi zuen eta bere jaioterriko udal idazkaria izan zen. Liberalismoan kokatuta, nafartasun liberalaren alde egin zuen. Yanguas, Cayo Escudero bezala, Nafarroako Foru Diputazioak 1866-1869ko Euskadiko Aldundiekin (Euskal Herriko Unibertsitatea, Eroetxea, Ongintzako Probintzia Etxea) lankidetzan aritzeko egindako proiektuen kontra kokatu zen. Proiektu horien adierazpen grafikoa lau probintzietako armarriak zituen ezkutua jarri zenekoa izan zen, Laurac Bat goiburuarekin, 1867ko Nekazaritza Erakusketa Pro- bintzialean. Hautesle Batek Nafarroako Foru Diputazioari Bidalitako Gutunean eta urte bereko Nafarroako Foru Idazkian proiektu horien aurka agertu zen, 1841eko abuztuko Legetik eratorritako esparru politiko-instituzionala babestuz, Nafarroak Euskadiko probintziekiko duen historia azpimarratuz, gobernu zentralak egin ditzakeen erasoen aurrean dituen ahultasunez ohar- taraziz eta zuhurtziaz jokatzea gomendatuz. «Nafarren alderdi bat Nafarroarentzat» komeni zela planteatu zuen.
Karlisten eta Cruz Ochoa de Zabaleguiren aldarrikapen foruzaleen aurkako El Último de los Navarros manifestuaren egilea ere izan zen. Era berean, badirudi ¡Viva Navarra! (1873) liburuxkaren arduraduna izan zela. Bertan, Karlistaldiak 1841eko Nafarroako foru-erregimenarentzat zekarren arriskua azpimarratu zuen, eta proposamen harrigarria egin zuen, lehen aipatutako ideiekin bat ez zetorrelako, Nafarroa Estatu frantsesarekin elkartzearen abantailei buruz.
Obrak
¡Viva Navarra!, 1873.
Bibliografia
GARCÍA-SANZ MARCOTEGUI, Á., El navarrismo liberal. Juan Yanguas Iracheta (1824-1895), Iruñea: Nafarroako Unibertsitate Publikoa, 2008.
