Karguak eta lanbideak
Testua gaztelaniaz
Secretario interino y vicesecretario de la Diputación Provincial
Ibilbidea
Eskribau gisa hasitako karrera administratiboan, ofizial bihurtu zen, eta probintzia-korporazioko idazkariorde izatera iritsi zen, 1874ko abenduaren 2tik 1877ko ekainaren 27ra bitartean, Baztan Goñi eta Ruiz de Galarreta idazkarien artean. 1881ean ofizial-idazkariorde izendatu zuten, eta horretan aritu zen 1884an erretiratu zen arte. Familia eta ideologia liberalekoa, bere anaia Angel ere probintziako funtzionario izan zen, antzeko karreran eta baita Iruñeko Milizia Nazionaleko kide ere.
Pablo de Ilarregui, Iruñeko Udaleko idazkariarekin batera, Nafarroako Foru Orokorraren edizio zuzendu baten egilekide izan zen, 1688 eta 1815eko foruetan antzemandako akatsak eta omisioak gainditzeko, «foru inprimatua hain aizunduta dago, ezen ezin baita jatorrizkoaren kopia deitu». Jatorrizko Foruko hogeita bederatzi kapitulu oso, aurkibidea eta liburuaren hasiera ezabatuak zituen, hamazazpi kapitulutan egindako omisioekin eta ortografia-akatsekin, «jatorrizkoaren itzala baino ez» baitzen. Azaldu zutenez, Gorteek erregeordeari bigarrenean jasotako argitalpenerako baimena eskatzeko moduaren ondorioz gertatu ziren akatsak. Berriarekin, Diputazioaren nahia ase nahi izan zuten, «monumentu historiko bitxi eta berezi hori betikotzeko». Amaieran, 1815eko edizioko ahots ilunen hiztegia sartu zuten, «Nafarroako Foru Orokorraren adimena errazteko».
Obrak
ILARREGUI, P. eta LAPUERTA, S., Fuero General de Navarra. Edición acordada por la Excelentísima Diputación Provincial, dirigida y confrontada con el original que existe en el archivo de comptos, Iruñea: Probintziako inprimategia, 1869.
Bibliografia
GARCÍA-SANZ MARCOTEGUI, A. eta beste, Diccionario biográfico de los diputados forales de Navarra (1931-1984) y de los secretarios de la Diputación (1834- 1984), Iruñea: Nafarroako Gobernua, 1998, 412-414. orr.
PÉREZ OLLO, F., «Lapuerta Adrián, Segundo», Gran Enciclopedia de Navarra, Iruñea: Nafarroako Aurrezki Kutxa, 1990, 6. libk., 416. orr.
