ANNAT, Jean (Leskarre?, Frantzia, 1876 – Leskarre?, 1970).

Leskarreko abadea eta kanonigoa, historialaria eta kazetaria

Ez dugu ia Jean Annaten datu biografikorik, ezpada publizitate-lanean aritu zela eta Vichyko erregimenaren aurkako militante politiko izan zela.

Gazterik, Frantziako Iraultzaren garaiko Baionako elizbarrutiari buruzko historia-azterketak argitaratzen hasi zen, azterketa monografikoei helduz gai hauexei buruz: Baionako Apaiztegi Handia, Donibane Lohizuneko Société Populaire edo Espainiara 1792tik 1802ra erbesteratu zen euskaldun eta biarnes elizjendea. Bi azterlan horiek argitaratu zituen, artikulu formaz, hala Bulletin Religieux du Diocèse de Bayonne nola Revue Historique et Archéologique du Béarn et du Pays Basque aldizkarietan. Kezka intelektualek zirikatuta, XX. mendeko lehendabiziko urteetan La Croix des Basses-Pyrénées zuzendu zuen, 1900. urtean sortu informazio- eta erlijio-astekari bat, Le Patriote des Pyrénéesko artikuluak eta La Croix de Paris egunkari katolikoko artikuluak berrinprimatuz osatua. 12.000 aleko tirada zuen eta, horietatik 6.000 harpidedunentzat ziren. Annatek, orobat, Revue Historique et Archéologique du Béarn et du Pays Basque zuzendu zuen.

Demokrazia Kristauko militantea izan zen, Vichyko erregimenaren aurkako erresistentziako itzal handiko pertsonalitatea Pauen eta Biarnon, oso hastapenetik. Rocq kanonigo, Emile Viguerie abade eta Ambroise Marie Carre aitarekin batera, Charrette talde delakoaren partaide izan zen, palois elizgizonen multzoak osatua, juduen deportazioaren eta Nahitaezko Lan Zerbitzuaren (Service du Travail Obligatoire) aurkakoa. Erregimenaren oposizioa, halaber, Le Patriote des Pyrénéesko orrialdeetatik bideratu zen, hori ere Jean Annatek irmotasunez eta adorez zuzendua. Egunkari horrek hainbatetan egin zuen talka zentsurarekin, hainbeste non argitalpena bera bertan behera geratu baitzen aldi labur batzuetan 1940ko abenduan.

Annaten idazlan garrantzitsuena Le clergé du diocèse de Lescar pendant la Révolution izan zen, 1954an argitaratua. Hurrengo urtean, Akademia Frantseseko Eugène Carrière sari ospetsua eskuratu zuen. Klub iraultzaile bakoitzean garatu zuten antolamendu, osaera, funtzionamendu eta iritziari buruzko azterketa bat da, nahiz eta Société Populaire de Paueri erreparatzen dion bereziki, horixe izan baitzen Iraultzaren Biarnoko eragile aktiboena.

«Histoire du Grand Séminaire de Bayonne sous la Révolution», Bulletin Religieux du Diocèse de Bayonne, 1 (1906-1907) 976-978 eta 991-994; 2 (1907), 45-48, 93-96 eta 118-120. or.

«La société populaire de St. Jean de Luz pendant la Révolution», RHABPB, 1 (1910), 71-76, 118-129, 168-175 eta 200-213. or.

«L’Histoire religieuse de Bayonne d’apres un livre récent», RHABPB, 1 (1910), 385-396. or.

«L’instruction primaire dans les Basses-Pyrénées pendant la Révolution», Bulletin de la Société des Sciences, Lettres et Arts de Pau (1910), 287-288. or.

«Le clergé basque et béarnais émigré en Espagne, 1792-1802», RHABPB, 2 (1911), 280-284. or.

«Un mandement de l’évêque constitutionnel Sanadon», RHABPB, 4 (1913), 88-91. or.

«Arrêté de Monestier de la Lozère aux secours accordés aux parents des émigrés. 1794», RHABPB, (1916), 584-587. or.

«Le gouvernement révolutionnaire dans les Basses Pyrénées d’après un livre récent de M. Ricard», RHABPB, (1923), 291-299. or.

«Une érection d’église a Vignes, en 1304», RHABPB, 7 (1924), 231-234. or.

«Une polémique entre jureur et réfractaire (1801-1810)», RHABPB, 8 (1925), 130-160. or.

«Les premières difficultés d’application du Concordat dans les Basses-Pyrénnées. L’abbé Julien contre Mgr. Loison (1801-1803)», RHABPB, 8 (1925), 171-198, 296-314. or.

La période révolutionnaire dans les Basses-Pyrénées. Les sociétés populaires, Pau: G. Lescher Moutone, 1940, 367 or.

Le club des Jacobins de Pau, Pau, 1940, 221 or.

«Les clubistes pâlots et les autorités constituées», RHABPB, 183-184 (1940).

Mémoires: six tomes dactylographiés, au total 756 pages couvrant la période 1924-1944, Belokeko monasterioan gordeak (Ahurti).

«Le Patriote des Pyrénées sous le régime de Vichy et l’Occupation allemande de juillet 1940-août 1944, d’après le seul témoignage des textes avec référence aux pièces justificatives», Mémoire de 54 pages remis à la Cour de Justice des Basses Pyrénées pour la défense du Patriote des Pyrénées, 1944ko abenduaren 1a.

Un âme d’apôtre, l’abbé Pon, Pau: Imp. Commerciale des Pyrénées, 1944.

Le clergé du diocèse de Lescar pendant la Révolution, Pau: Imp. Commerciale des Pyrénées, 1954, 491. or.

BOCQUENET, B., La Censure en Béarn sous Vichy, 1940-1944. 2017ko abenduaren 8an aurkeztua eta jendaurrean defendatua, Laurent Jalaberten zuzendaritzapean, Pau: Université de Pau et des Pays de l’Adour, 2017.

SÁEZ, R., «Deux figures de la résistance démocrate-chrétienne à Pau sous Vichy: le chanoine Jean Annat (1876-1970) et Raymond Berriot (1910-1988)», Revue de Pau et du Béarn, 42 (2015), 209-234. or.

TUCOO-CHALA, P., «Chronique du Béarn», Annales du Midi. Revue archéologique, historique et philologique de la France méridionale, 64. libk., 18 (1952), 177-184. or.