Espainiako Zuzenbidearen Historia inprimatutako aldizkari historiko-juridikoen bidez (1924-2008). Horietan jasotako erreferentzia guztien datu-basea

Lanaren laburpena

Lan honek berrikuntza bat dakar historiografia juridikoaren arloan, bai edukiari dagokionez, bai formatu digitalean aurkezteari dagokionez. Argitaratzean, egileek, Kantabriako, Nafarroako Unibertsitate Publikoko eta Elxeko Miguel Hernández Unibertsitateko Zuzenbidearen Historiako irakasleek, komunitate zientifikoaren eskura jartzen dute datu-base bat, izaera desberdineko lanen erreferentzia guztiak biltzen dituena, aldizkari historiko-juridikoetan jasotakoak, serieko argitalpenen nazioarteko identifikazio kodea (ISSN) dutenak, Espainian paperean argitaratuak 1924tik —Espainiako Zuzenbidearen Historiako Urtekaria agertu zenetik— 2008ra bitartean. Edizio honekin, historialarien eta, bereziki, zuzenbidearen historialarien ikerketa erraztu nahi da, datu-base erraz batean eskainiz hautatutako aldizkarien atal desberdinetako erreferentziak, argitalpenen aipamenetarako direnak barne.

Datu-basean sartutako aldizkariak honako hauek dira: Anuario de Historia del Derecho Español; Cuadernos de Historia del Derecho; Glossae. Revista de Historia del Derecho Europeo; Historia, Instituciones, Documentos; Initium. Revista Catalana de Història del Dret; Ivs Fvgit. Revista Interdisciplinar de Estudios Histórico-Jurídicos; Notitia Vasconiae. Revista de Derecho Histórico de Vasconia, Iura Vasconiae izenarekin jarraitua. revista de Derecho Histórico y Autonómico de Vasconia; Revista de Historia del Derecho, Interpretatio izenarekin jarraitua. Revista de Historia del Derecho; Revista de Dret Històric Català; eta Rudimentos Legales. Revista de Historia del Derecho.