Iruñeko elizbarrutiko ad limina bisitak (1585-1909): dokumentuak

Lanaren laburpena

“Ad limina” bisitak Iruñeko elizbarrutian (1385-1909): Dokumentuak, aldi horretan Iruñeko apezpikuek egindako ad limina bisitetan sortutako dokumentazio osoaren bilduma sistematikoa da. Dokumentazio honek apezpikuek bisita horiek bete izanaren berri ematen du, baita erakunde beraren eta haren dokumentu-tipologiaren bilakaeraren berri ere.

Corpus dokumental honek elizbarrutiaren egoera material eta espirituala ezagutzeko datu ugari biltzen ditu, hainbat alderditan: ekonomikoa, politikoa, instituzionala, demografikoa, geografikoa, kulturala, etab. 283 dokumentuen transkripzioari sarrera-azterketa bat aurretik dator, ad limina bisitei buruzkoa, aztergaiaren mugaketa geografiko eta kronologikoari buruzkoa, dokumentuen jatorri artxibistikoari buruzkoa (Vatikanoko Artxibo Sekretua, Iruñeko Katedraleko Artxiboa, Iruñeko Elizbarrutiko Artxiboa eta Nafarroako Artxibo Orokorra), idatzi ziren hizkuntzei buruzkoa, edukiei buruzko azterketa labur bat eta dokumentuen banaketa mendearen eta tipologiaren arabera.

Amaierako eranskinak sartzen dira, apezpikuek ad limina bisitak bete izanaren mailari buruzko datu estatistikoekin, aldi batzuetan betetze-maila altua nabarmentzen delarik beste batzuekin alderatuta, edo are gehiago, apezpiku batzuen konpromiso-betetze handia beste batzuekin alderatuta, azken hauek bisitarik egin ez zutelarik.